සන්නිවේදනය හා ආදරය

       මානව ඉටුකර ගැනීම සඳහාය.පුද්ගලයාට මේ මොහොතේදී පවා අවශ්‍ය අවශ්‍යතාවයක් ලෙස සන්නිවේදනය සමාජයේ අන්තර් සම්බන්ධතාවය ගොඩනගා ගන්නා උල්පතවන්නේ සන්නිවේදනයයි. පුද්ගලයා ජීවත් වන්නේ ස්වභවභාව ධර්මයෙන් උරුමකර දෙන්නා වූ අවශ්‍යතා හා උවමනා පෙන්වාදිය හැකිය.මොකද මේ මොහොතේ වුවත් අප අපේ මතකයේ තිබෙන සිඳුවීමක් හෝ ගතවුණු දවස ගැන හෝ අපේ ඉදිරි අනාගතය පිළිබඳ අප අපේ මනස සමඟම සන්නිවේදනය කරගනී.එහෙම නැතහොත් අප ළඟම සිටින මිතුරා සමඟ හෝ තොරතුරු හුවමාරුවේ යෙදේ.එබැවින් සන්නිවේදනය හුදකලා පැවැත්මක් හෝ ගුප්ත ස්වභාවයක් දක්නට නොලැබේ.

       සන්නිවේදනය මෙලෙස ජීවි අජීවී මිනිස් තිරිසන් දෙපක්ෂයටම පොදු වූ සංකල්පයකි.ආදරයද එසේමය.ආදරය ලැබීමට හා ආදරය ලැබීමට සෑම පුද්ගලයෙක්ම ආසයි වගේම එය ලබා ගැනීමටද අයිතියක් ඇත.ඒබ්‍රහම් මාස්ලෝගේ අවශ්‍යතා න්‍යායෙහි පුද්ගලයාගේ සමාජීය අවශ්‍යතායක් ලෙස ආදරය සෙනෙහස ලැබීම දක්වා ඇත.ආදරය මනෝ විද්‍යාත්මකව ජීව විද්‍යාත්මකව අර්ථකතනය කොට ඇත.ආර්.ස්ටර්න්බර්ග් නැමැති මනෝ විද්‍යාඥයාට අනුව ආදරයට සංරචක තුනක් ති‌බේ.

• ආශාව ලිංගික ආකර්ෂණය
• ලෙන්ගතුකම සමීපත්වය චිත්තවේගික සහයෝගීතාවය උදව් විශ්වාසය
• කැපවීම එකිනෙකාට පක්ෂපාතීත්වය

        ඊ රොම් දක්වන ආකාරයට ආදරය වර්ග දෙකකට වෙන්කර හදුනාගනී.ඵලදායී සහ ඵලදායී නොවන ආදරය ලෙස.ඒ.වී පෙට්රොස්කිගේ මතයට අනුව ආදරය සමීප ආකර්ෂණය මත පදනම්වන අතර වෙනත් පුද්ගලයෙකු සම්බන්ධයෙන් මෙම හැගීම් බාහිර ප්‍රකාශනයක් මගින් සංලක්ෂිත වේ.මෙවැනි ආකාරයට න්‍යායාත්මකව ආදරය යනු කුමක්දැයි කියා අර්ථ දැක්වුව ද ආදරය මෙයයි කියා නිර්වචන දීමට කාහටවත් නොහැකිය.

        කෙසේ වෙතත් සන්නිවේදනය හා ඇදරය යනු විශ්ව ව්‍යාප්ත සංකල්ප දෙකකි.ආදරය නැමැති අවශ්‍යතාවය සපුරාගැනීමට  පුද්ගලයාට මනා සන්නිවේදනයක් තිබිය යුතුය.සමාජයක පුද්ගලයන් ජීවත්වන්නේ සම්බන්ධතා මතය.එඩ්වඩ් සැපීර් නම් සමාජ විද්‍යාඥයා සන්නිවේදනය අර්ථදක්වා ඇත්තේ සමාජය යනු අනෙකක් නොව සන්නිවේදනය තුළින් පවත්වාගෙන යන සම්බන්ධතා ජාලයක් ලෙසය.පුද්ගලයාගේ චර්යාවන්ට අදාළ සෑම සංස්කෘතික රටාවක්ම සහ සමාජ චර්යාවකටම අදාළ සෑම ක්‍රියාවක්ම ,ඍජුව හෝ වක්‍රව සන්නිවේදනයට සම්බන්ධව ඇත.එසේනම් පුද්ගලයාට තම ආදරය සෙනෙහස සොයා යාමට ලබාගැනීමට එම අවශ්‍යතාවය සපුරාගැනීමට මනා සන්නිවේදනයක් ඉවහල් වේ.

        තම දෑස්වලින් ලෝකයේ එළිය නොදුටු මවගේ කුසයෙහි වැඩෙන කළලය පවා තම මව සමඟ සන්නිවේදනයේ යෙදේ.එවිට ඔවුන් අතර ශක්තිමත් අන්තර් සම්බන්දතාවයක් ආදරයක් නොදැනීම අනාගතයේදී ඇති වේ. මව තමාට දැනෙන හැගිම් තමා ජීවත්වන පරිසරයේ වෙනස් වීම් තම දරුවා සමඟ කතාබහ කරන ආකාරය මත ඔවුන් තුළ ශක්තිමත් ආදරයක් වගේම අන්තර්සම්බන්ධකාවයක් ද ගොඩනැගේ.ඒ සඳහා අවශ්‍ය වන්නේ මනා සන්නිවේදනයකි.අප ජීවත් වන පවුලගත හොත් එය සැමදෙනාටම සුරපුරයක් දිව්‍ය විමානයක් බවට පත්වන්නේ සන්නිවේදනයේ ඇති ප්‍රබලත්වය නිසාය.මිල මුදල් යානවාහන කොපමණ සම්පත් නිවසක තිබුණත් එම නිවසේ සාමාජිකයන් තම තමන්ගේ කාමර තුළට වී එකිනෙකා සමග කතාබහක් නොකර තම තමන්ගේ ලෝකවල පමණක් සිටිය හොත් එයට සතුට පිරි පවුලක් බවට පත්නොවේ.එකිනෙකා සමඟ කතා කිරීම අත්‍යවශ්‍ය වේ.එවට ගැටලු බොහොමයක් අවම කරගැනීමට මෙන්ම තම තමන්ගේ අඩුපාඩු අනෙකාට හඳුනාගැනීමටද හැකියාවක් පවතින අතර තමාගේ සිතට සැනසීමක්ද ලබාගත හැකිය.තව තවත් පවුල තුළ ලෙන්ගතුකමක් ආදරයක් ගොඩනැගේ.එම නිසා ඔිනෑම කෙනෙකුට ආදරය කිරීමට පෙර තම සන්නිවේදන කුසලතා වැඩිදියුණු කරගත යුතුය.